Ministri i Brendshëm Sajmir Tahiri i është kjundërpërgjigjur akuzave të opozitës në lidhje me operacionin kundër trafikut të drogës që po bëhet në shtetin fshqinj si dhe për të ashtuquajturin “Escobari i Drogës”. Tahiri i ka bërë apel deputetëve të opozitës që të lënë mënjanë baltën dhe politizimin e çështjeve të policisë së shtetit dhe të vijnë për të votuar reformën në drejtësi.
“Ose parlamenti ose reforma, një nga të dyja duhet t’i nënshtrohet gjykimit të shqiptarëve”- ka thënë Tahiri përpara deputetëve të PD.
“Keni akuzuar policinë padrejtësisht, nuk e di c’e keni këtë zakon që sa herë goditet krimi aq më shumë akuzoni Policinë e Shtetit. Policia e Shtetit po bën histori suksesi, me etikën, luftën brenda korrupsionit në polici, luftën kundër krimit, kjo ju dhemb juve, ndaj nuk ju pëlqen asnjë sukses. Pse rrini e bëni muhabet, ne jemi gati edhe LSI-ja, hajdeni e votojmë. Ja guri i provës, lërini pretekstet, njëherë dekriminalzimi, dekusarizimi, lejet e pallateve, nëse nuk doni thuaje hapur. O parlamenti o reforma një nga të dyja duhet t’i nënshtrohet gjykimit të shqiptarëve”- tha Tahiri.
