Shqipëria nuk do të jetë jashtë përballjes me valën e refugjatëve të Lindjes së Mesme që tashmë kanë mbërritur në kufijtë tanë jugor. Ministri i Brendshëm, Saimir Tahiri, i thirrur në komisionin parlamentar të sigurisë ka bërë të ditur se qeveria shqiptare ka tashmë një plan të detajuar reagimi nëse do të ketë një fluks masiv të refugjatëve drejt Shqipërisë.
“Sa i përket krizës humanitare Shqipëria do të bëj gjithëçka ka mundësi dhe kapacitete për ta përballuar. Qeveria ka një plan emergjence. Jemi në kontakt me partnerët tanë ndërkombëtar për një plan më të gjerë. Vizita e Avramopulos kishte në qendër jo vetëm bashkëpunim në fushën e sigurisë, por edhe krizën humanitare. Jemi të përgatitur për çdo emergjencë në kufirin tonë jugor. Por duhet nënvizoj se mundësitë tona janë të limituara”, ka deklaruar Tahiri.
Sipas tij përgjatë vitit 2014- 2015 në territorin shqiptarë kanë hyrë në mënyrë të paligjshme rreth 5 mijë refugjtë, një pjesë e të cilëve janë rikthyer në vendin ku kanë hyrë.
Ministri i brendshëm me këtë rast ka dhënë informacion edhe në lidhje me kontrollet dhe verifikimet që do tub ëhen refugjatëve, me qëllim që të mos përfitojnë persona të cilët mund të përbëjnë rrezik potencial terrorist për rendin dhe sigurinë jo vetëm në Shqipëri, por edhe në vendet europiane. Gjithashtu Tahiri ka nënvizuar se qeveria shqiptare është e vendosur të godasë edhe ato grupe kriminae të cilat do të tentojnë të trafikojnë qënie njerëzore si nga deti ashtu edhe nga toka nëpërmjet territorit shqiptar.
“Të mos lejojmë të penetrojnë në vendin tonë apo në vende të tjera luftëtarë të huaj, apo element që shfaqin rrezik terrorizmi. Kemi kërkuar ndihmë nga Italia për një kontroll më të mirë të kufirit. Jemi të vendosur që të ndalojmë çdp grup kriminal që do të përpiqet të përfitoj nga trafiku i qënieve njerëzore”, ka theksuar Tahiri.
