Deputeti Bashkim Fino dhe ministri Saimir Tahiri kanë dalë kundër kryetarit të PS-së, Edi Rama në lidhje me referendumin që ai kërkon të mbajë, ku anëtarët e PS-së të vendosin nëse do të ketë zgjedhje për kreun e PS-së apo thjesht rikonfirmim.
Deputeti Bashkim Fino është shprehur kundër referendumit. Ai vlerësoi statutin e ri të PS-së dhe tha se ai i zgjidh të gjitha problemet.
“Statuti i ri që në vend të parë vë anëtarin e PS. Ka rregullat që eksperienca e viteve të fundit na ka lënë mundësinë t’i rregullojmë në statusin e ri. Të gjitha çështjet dhe problematikat e viteve të fundit, zgjidhen me statutin e ri.
Mendoj se edhe ata pak kundërshtarë që kanë bërë propozime për statutin duhet të jenë të kënaqur. Ne e miratojmë statusin e ri me metoda e laburistëve anglezë. Jam kundër Ramës për referendum, pasi bie ndesh me statutin e ri”, tha Fino për mediat.
Ndërsa, ministri Saimir Tahiri, është shprehur brenda Asamblesë Kombëtare të PS-së kundër referendumit. Këtë e konfirmojnë burime të “Panoramës” brenda Asamblesë.
