“Drejtësia vendos sipas xhepit.” Ministri i Brendshëm Saimir Tahiri ka kritikuar edhe një herë gjyqësorin duke u shprehur se dënon të varfërit për ndërtime pa leje, ndërsa liron të pasurit që legalizuan ndërtimet pa leje
Duke folur në një aktivitet me të rinjtë për parandalimin krimit, Ministri Tahiri është shprehur se këto vendime me dy standarte janë vepra të një gjyqësori apo prokurori të korruptuar. Jo vetëm kaq por sipas Tahirit kjo është fytyra e vërtetë e arrogancës së korrupsionit dhe pandëshkueshmërisë.
Në këtë kuadër, Ministri ka theksuar vendosmërinë për të vënë përpara përgjegjësisë të gjithë ata që guxojnë të shkelin ligjin, pa e parë në fytyrë apo në xhep.
“Drejtesia vendos sipas xhepit, duke denuar te varferit dhe taksuar te pasurit. Prandaj denohet ai qe suvaton shtepine pa leje, e nuk denohen zyrtaret qe legalizuan nje kat te tere pallati qe nuk egzistonte fare. Prandaj denohet kush nuk paguan energjine elektrike dhe nuk denohen zyrtaret e tatimeve qe vodhen 6 milion euro. Kjo nuk eshte vetem veper e ndonje prokurori a gjyqtari te kalbur ne korrupsion, por eshte arroganca e korrupsionit, te atyre qe as denohen e as turperohen, e kthyer ne sistem. Kjo eshte pandeshkueshmeria. Plot te rinj e pranojne modelin e shokut a shoqes qe edhe ne FB shfaq foto me arme, me droge, me para. Madje plot te tjere e shohin shkeljen e ligjit si trimeri, si virtyt. Ndaj duket thuajse normale qe njerez me te shkuar kriminale jane ngjitur deri ne rangjet me te larta te shoqerise, deri edhe te votohen. Por te gjitha keto me siper, nuk jane motiv per tu dekurajuar. Sepse atehere kur shoqerite kane vuajtur me shume, kur sistemi eshte zvarritur me shume, kur shpresa duket me e larget dhe padrejtesia me e madhe, pikerisht atehere qytetaret dhe shoqeria ngrihen ne kembe. Duhet te ndertojme bashke nje Shqiperi me te drejte, me solidare, dhe te barabarte para ligjit. Nuk mund te pranojme kete standart te drejtesise. Duhet ta refuzojme, ta denoncojme, ta turperojme publikisht.” tha Ministri Tahiri
Duke vijuar më tej Ministri i Brendshëm u shpreh se nuk mund të lejohet më që të heshtim përpara padrejtësisë së bërë ndër vite në Shqipëri.
“Dhe kush mendon te rrije rehat, se keto jane punet e qeverise qe i ke dhene voten, sapo ka vrarë mundësinë që një shoqëri të ngrihet në këmbë kundër padrejtësisë dhe sapo ka hapur mundësinë që jo vetëm të mos ndreqet gjë, por edhe ata që votohen të kthehen në pjesë të të njëjtit sistem. Sepse në padrejtësinë masive që kemi lejuar duke heshtur, të korruptuarit janë më të zotë e gjithmonë ia dalin.” tha ai
Redaksia Online
(JavaNews.al)
MINISTRI TAHIRI: NËSE SHOQËRIA HESHT, TË KORRUPTUARIT IA DALIN. DREJTËSIA? TË VARFËRIT DËNOHEN, TË PASURIT TAKSOHEN (video)Tre institucione: Shkolla, Shërbimi social dhe Policia, (SSP) do të jenë bashkë në një nismë që synon të parandalojë dhe ulë numrin e krimeve, kryesisht tek fëmijët dhe të rinjtë, në Tiranë dhe rrethinat e saj. Në prezantimin e projektit, morën pjesë Ministri i Punëve të Brendshme Saimir Tahiri, ambasadorja e Delegacionit të BE-së në Tiranë Romana Vlahutin, Drejtori i Policisë së Shtetit Haki Çako, Zv/ministrja e Mirëqënies Sociale dhe Rinisë Genta Sula, Giorgio Butini Drejtues i Misionit PAMECA IV dhe drejtues të Policisë, Shërbimit social e Arsimit.Fjala e plotë e Ministri Saimir Tahiri (VIDEO)
Posted by Ministria e Punëve të Brendshme on Wednesday, May 6, 2015
