Ministri i Brendshëm Saimir Tahiri u është përgjigjuar akuzave të opozitës lidhur me “censurimin e mediave” dhe akuzave për kanabisin e korrupsionin. Tahiri tha se Berisha ka bërë “kërdinë” duke mbyllur gazetën TemA, duke mbyllur emisionin e gazetarit Mero Baze në Vizion Plus, duke gjobitur 13 mln euro Top Channel apo duke djegur redaksinë e gazetës “Koha Jonë”.
“Ti Sali nuk duhet të flasësh për mediat pasi ke qenë armiku më i madh i tyre”, tha Tahiri.
Ai shtoi se çështja e emisionit “Publicus” po hetohet. Më tej Tahiri foli për çështjen e kanabisit duke thënë se pabarazia dhe varfëria e mbjellë nga 20 vjet qeverisje ka detyruar shqiptarët të mbjellin kanabis.
E kam pranuar si kosto epitetet poltik “narkotrafikant”, “trafikat”. Partnerët italianë ua thanë qartë, sot kultivohet më pak se kur ju ishit në detyrë. E nëse në kohën tuaj asgjësohet 7 %, për të tretin vitin partnerët thonë se u asgjësua mbi 99 %. Unë kurrë nuk kam thënë që problemi nuk egziston. Po ai është aty, por qeveria po punon për ta zgjidhur.
Kujt Kolumbie i referoheni? Kush janë kolumbianët në këtë vend? Ata të varfër, për mua nuk janë kolumbianë, pasi varfëria që sot i çon në ngasjen e kësaj sipërmarrje të paligjshme, nuk janë kolumbianë. Trafikantët e vërtetë janë ata që kanë mbjellë papunësi, vërfëri, pabarazi, padrejtësi.
E rëndësishme është ta kuptoni se nuk i bëni nder kërkujt nëse paguani disa shkrime në media nëpër botë, duke e quajtur Shqipërinë vend të drogës. Unë nuk e harroj dot majin e 2010, kur Basha ministër shkonte në me Dasho Alikon dhe e falënderonte për kontributin e lazaratasve në luftën kundër drogës. Bëni një zgjidhje, o me policinë, o me bandat o me kriminelët, por ndajeni mendjen!”, ishte apeli i Tahirit për demokratët e mbetur në sallë, pasi Berisha la seancën. Në fund Tahiri ka folur edhe për akuzat e opozitës për korrupsion.
“Fëmijët e tu Sali kanë pasur tarifë 3 përqind si fee suksesi. Përse nuk njihen fëmijët e Ilir Metës apo Leka Meksit, të Bashkim Finos apo Pandi Majkos. Fëmijët e tu Sali njihen nga gjithë shqiptarët dhe diskutohen, madje thërriten edhe me shkurtime, Zeni dhe Gita”, tha Tahiri.
ma.me
