Aleatët e koalicionit “Aleanca për një Serbi më të mirë”, Boris Tadiç dhe Çedomir Jovanoviç kanë thënë nga Novi Sad se Vojvodina ka nevojë për një autonomi të plotë kushtetuese për të realizuar potencialin e saj të plotë.
Ata, në një konferencë për shtyp, deklaruan se qeveria e Aleksandar Vuçiç nuk ka arritur të japë një përgjigje të qëndrueshme sesi mund të sigurohet orientimi evropian i vendit dhe “zbatimi i reformave “, e cila është arsyeja pse LDP dhe SDS “po punojnë së bashku për një qeveri serioze alternative”, referuar BETA-s.
Jovanović i cili është lider i Partisë Liberal Demokrate ka shtuar se Vojvodina i duhet Serbisë dhe me listën e vet zgjedhore nuk dëshiron të udhëheqë një fushatë që do të izolojë Vojvodinën.
“Ne kemi nevojë për një reformë kushtetuese të Serbisë, e cila është e nevojshme për të forcuar autonominë e Vojvodinës, kjo është e nevojshme për ta bërë, dhe Serbia dhe Vojvodina të qëndrueshme, duke mbajtur parasysh, mbi të gjitha, ato punë që qëndrojnë para nesh dhe rrethanat në të cilat gjendet vendi,” tha ai.
Tadiç, i cili është kryetar i Partisë Social Demokrate, u bëri thirrje qytetarëve të votojnë në zgjedhjet e prillit dhe të votojnë për listën e LDP dhe SDS-së së Tadiç.
