Politologu Afrim Krasniqi ka publikuar një foto ku tregon të gjitha dekretimet e Presidentit Nishani në harkun kohor të 3 viteve të qeverisjes së të majtëve.
Në një shikim të shkurtër, është e dukshme se në këto 3 vite nuk ka patur asnjëherë kurrfarë problemi në dekretimin e shkarkimeve apo emërimeve për llogari të qeverisë, nga ana e Presidentit. Por ndryshe ka ndodhur me dekretimin e emërimeve të dy ministrave të rinj, Arben Ahmetajt dhe Milva Ikonomit, të cilët ende zyrtarisht nuk janë në postet e tyre.
Në këtë tabelë ilustrohet se të gjitha shkarkimet apo emërimet që ka kërkuar qeveria, janë dekretuar me 1 deri në 4 ditë kohë diferencë nga ana Presidentit. Sakaq, Parlamenti nuk ka votuar të enjten e shkuar, dy dekretet e Nishanit për shkarkimin e Ministrit Cani nga Financat dhe as atë të shkarkimit të Arben Ahmetajt nga Ministria e Ekonomisë, për të mos krijuar vakanca, në kushtet kur Presidenti nuk ka dekretuar emërimet dhe lëvizjet e reja në kabinet.
Afrim Krasniqi shkruan:
“Debati per dekretimin e ministrave – kriza e radhes! Artificiale dhe politike. Ne 3 vjet pati 12 praktika te njejta!”
