Deputetja e PD-së, Jorida Tabaku, deklaron se ende pa u shprehur Gjykata Kushtetuese për pronat, qeveria po lobon në Gjykatën e Strasburgut kundër pronarëve.
Nëpërmjet një postimi në statusin e saj Facebook pasditen e së hënës, Tabaku shprehet: “Ndërkohë që Gjykata Kushtetuese akoma nuk është shprehur për Ligjin e ri që “eleminon” njohjen e pronës si koncept dhe zhvlereson çdo pronë të mbetur pa kompensuar, qeveria shqiptare në shpresën se do të influencojë Gjykaten e Strazburgut dërgon dy ministra për të “lobuar” kundër pronarëve! “
“Prona është liri themelore e njeriut, është e drejtë kushtetuese, është një nga prioritetet në procesin e Integrimit në BE e pa e zgjidhur, investitoret e huaj e bizneset vendase do të kenë gjithmonë një barriere, atë të pasigurisë”, shkruan Tabaku.
Tabaku publikon faksimilen e letrës që kryetari i Partisë Demokratike, Lulzim Basha, i ka dërguar me 7 qershor Presidentit të Gjykatës Europiane të të Drejtave të Njeriut, z.Guido Raimondi, duke ngritur shqetësimin mbi deklaratat e bëra nga kryeministri Rama në Parlament, se sipas tij, ai ka arritur një marrëveshje me Gjykatën e Strasburgut për të mos shqyrtuar më çështje të pronave të qytetarëve shqiptarë kundër qeverisë shqiptare”. (java / r.a)
