Deputetja e Partisë Demokratike, Jorida Tabaku duke ju referuar raportit të ERE, tha sot se, çmimi i energjisë elektrike për konsumatorët u rrit me rreth 13 për qind gjatë 2015.
Deputetja e PD-së, Trabaku në një deklaratë për mediat tha se “Sipas raportit të ERE, çmimi i energjisë elektrike për konsumatorët u rrit me rreth 13 për qind gjatë vitit 2015. Ky raport thekson se të gjithë tarifat e energjisë u rritën për të gjitha kategoritë e konsumatorëve. Akoma më tej, më shumë se gjysma e konsumatorëve të energjisë elektrike që harxhojnë më pak se sa 300 kv pra 56% e familjeve shqiptare kanë paguar mesatarisht 6% më shumë se sa në vitin 2014. Një familje e varfër, që jeton me më pak se 5 USD në muaj ka paguar falë të ashtuquajturës reformë mesatarisht, 9.52 lek për kilovat në 2015, kur në 2014, paguante mesatarisht 8.89 leke për kilovat”.
“Raporti i ERE, ka faktuar dhe një herë se sot, se të gjithë konsumatorët, biznese apo familje, paguajnë 11.22 lekë/kilovat nga 9.22 që paguanin më parë. Eshtë e vërtetë që OSHEE ka arritur të mbledhë 12.25 mld lekë detyrime të prapambetura nga qytetarët nga viti 2007-2014, por nuk duhet harruar që borxhi që kjo kompani ka krijuar nga administrimi rilindas është pak më i lartë, 13.29 mld lekë vetëm në një vit ” tha Tabaku.