Autoritetet kineze kanë njoftuar një seri objektivash të reja që do të arrihen gjatë pesë viteve të ardhshme, për të trajtuar ndotjen e ajrit, njoftoi në një konferencë shtypi Liu Bingjiang, zyrtar i Ministrisë së Ekologjisë dhe Mjedisit.
Sipas Liu, në periudhën 2021-2025, vendi premton të zvogëlojë dendësinë mesatare të ndotjes në 337 qytete të mëdha me 10% krahasuar me nivelin e pesë viteve të mëparshme, shkruan “Xinhua”.
Kina, kujtoi Liu, ka arritur objektivat e përcaktuara nga plani trevjeçar operativ i lëshuar në 2018, duke regjistruar cilësi të mirë të ajrit në 337 qytete të mëdha gjatë 87% të ditëve në 2020.
Zonat urbane që nuk kanë arritur të përmbushin kriteret e vendosura në nivel kombëtar në terma të densitetit mesatar të PM 2.5 panë treguesin në rënie në vitin 2020 me 28.8% krahasuar me atë që u arrit në 2015.
g.kosovari
