I tërë debati rreth demarkacionit pritet që në fund të përfundojë tërësisht i kotë, sepse me këta kufij Kosova edhe është njohur si shtet, ka fituar gjyqin në ICJ, paguan borxhet e Jugosllavisë në FMN dhe Bankë Botërore, etj.
Kosova vetëm me Kushtetutën e vitit 1974 e kishte fituar të drejtën në vendimmarrje dhe, sipas nenit 5, nenit 398 dhe nenit 402 të Kushtetutës së RSJ-së 1974, territori dhe kufijtë e saj nuk mund të ndryshoheshin pa pëlqimin dhe vullnetin e saj.
Deri në vitin 1974, Kosova nuk ishte pyetur për asgjë, transmeton lajmi.net.
Mbi këtë ndarje territoriale krahinore janë themeluar edhe shtetet e reja, që i janë shkëputur ish-Jugosllavisë. Kurse, po të njëjtit kufij me Malin e Zi që janë përcaktuar në vitin 1974, tashmë janë vijë kufitare edhe me marrëveshjen për demarkacionin.
I tërë debati rreth demarkacionit pritet që në fund të përfundojë tërësisht i kotë, sepse me këta kufij Kosova edhe është njohur si shtet, ka fituar gjyqin në ICJ, paguan borxhet e Jugosllavisë në FMN dhe Bankë Botërore, etj.
Shënjimi i kufirit me Malin e Zi, i përcaktuar në vitin 1974, tash mësohet se është bërë me teknologjinë më moderne, si Global Navigation Satellite Systems, Geographic Information System dhe me koordinata Gaus Krueger të cilat bëjnë të mundur përpunimin e hartave me saktësinë maksimale.
Kufiri ndërshtetëror mësohet se përputhet me të gjithë kufijtë administrativ të komunave kufitare të Kosovës, si Juniku, Deçani, Peja dhe Istogu, sikurse që përputhet edhe me kufijtë administrativ të komunave kufitare të Malit të Zi, si Plava, Berana e Rozhaja dhe asnjëra prej këtyre komunave nuk pretendon se i është cenuar territori.
Pretendime ka vetëm opozita, kurse debati i ekspertëve në gusht pritet që t’i japë fund edhe dyshimeve jo shumë të bazuara të tyre, duke i hapur rrugën kështu ratifikimit të marrëveshjes ndërshtetërore, anëtarësimit të Malit të Zi në NATO dhe liberalizimit të vizave për qytetarët e Kosovës, citohet “Lajmi.net”. (b.an)
