Policia e Tiranës ka parandaluar mbrëmjen e sotme një ngjarje të rëndë në Surrel duke arrestuar një person që ka kërcënuar me armë familjen e tij pas një konflikti.
I arrestuari është Sali Mehmet Hasmeta, 49 vjeç, banues në Surrel të Tiranës.
Nga kontrolli i ushtruar në banesën e Sali Hasmetës u gjetën dhe sekuestruan ne cilesinë e provës materiale, një automatik model 56 me një krehër me 30 fishek, një pistolet e markës “Bereta” me një krehër me 5 fishek dhe një qese e mbushur me 211 fishek te kalibrave te ndryshem
Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale “Prodhimi dhe mbajtja pa leje e armëve luftarake dhe e municionit” dhe “Dhuna në familje”, parashikuar nga Neni 278 dhe 130/a të Kodit Penal.
shqiptarja.com/d.i.
