Çadra e opozitës ka pritur sot artistë mbështetës të PD ndërsa takimin e ka hapur Lulzim Basha.
Në fjalën e tij Basha tha se kanabizimi është vepra më e zezë e Edi Ramës ndërsa e ka cilësuar kryeministrin si surratsëz, apo siç tha ai në italish “Sfaciato”.
“Kjo është lëvizja më paqësore dhe demokratike për të shporrur destabilitetin dhe krimin në Shqipëri. Hiq dorë nga kërcënimet sepse nuk pijnë më ujë” – tha Basha.
Kreu i PD tha se Rama e shndërroi vendin në një njollë turpi.
“Vendi nuk do të bëjë zgjedhje fasadë që të rrijë surrati yt në krye. Ti do të shporresh dhe ne do të kemi qeveri teknike. Rrugë tjetër nuk ka dhe nuk ka për të patur” – tha Basha një ditë pas ngritjes së çadrës.
“Tani i ka rënë damllaja. I ka punët lëmsh në shtëpi. Kush fle me qenin zgjohet me pleshta” – tha ndër të tjera kreu i PD.
I pranishëm sot ka qenë edhe Aldo Di Biagio, senator italian të cilin Basha e ka cilësuar si mik të çmuar të Shqipërisë. /javanews/b.d
