Talibanët kanë shpallur një “amnisti” në të gjithë Afganistanin dhe u kanë bërë thirrje grave që të bashkohen me qeverinë e saj.
Thirrja e sotme e përfaqësuesve të talebanëve vjen si një përpjekje për të qetësuar njerëzit në Afganistan pasi shumë prej tyre duan të lënë vendin.
Ftesa e sotme vjen ndërsa shumë njerëz kanë frikë se me talebanët në pushtet shumë të drejta që kanë fituar gratë do të zhduken. Gratë afgane kanë fituar shumë të drejta që nga përmbysja e talebanëve 20 vite më parë. Por shumë prej tyre janë të shqetësuara se ato përsëri do të duhet të mbyllen brenda.
Talebanët kanë thënë se nuk janë më kundër grave që ndjekin shkollën, por nuk kanë përcaktuar një politikë të qartë për të drejtat e grave. Afganistani mbetet një vend kryesisht konservator, veçanërisht zonat larg qyteteve të mëdha dhe statusi i grave shpesh ndryshonte, madje edhe nën sundimin taleban.
Talibanët ndërkohë kanë shpallur luftën në Afganistan të përfunduar. Një udhëheqës i lartë tha se grupi do të priste derisa forcat e huaja të largoheshin para se të krijonin një strukturë të re qeverisëse.
Sakaq fluturimet e evakuimit nga Afganistani rifilluan pasi një zyrtar i sigurisë perëndimore i tha agjencisë së lajmeve Reuters se asfalti dhe pista e aeroportit të Kabulit – të cilat trupat nga Shtetet e Bashkuara ende kontrollojnë – tani nuk kishin më turma. /noa.al
