Kampionët pavarësisht goditjes së marrë nga UEFA dhe disa largimeve të rëndësishme, kanë bërë disa afrime të goditura dhe duken shumë të uritur për të tjera suksese. Thuajse në një rradhë me të, janë Partizani dhe Kukësi, dy skuadrat që mbajtën lartë flamurin e futbollit shqiptar gjatë kësaj vere. Trajnerë të rinj, blerje të reja, por sërish një profil pretendenti, ku trofetë janë objektivi kryesor. Ndërkohë për ta bërë më intriguese garën, mjafton të kujtojmë që Teuta ka ruajtur grupin e sezonit të kaluar, Tirana ka dhënë shenja pozitive, Flamurtari rikthehet ambicioz, Vllaznia është e rrethuar me entuziazëm, Laci, pavarësishst ndryshime radikale, me siguri do të jetë mes më të mirave dhe Luftëtari dhe Korabi nuk duken si turistë në superiore.
Sigurisht për të parë më të mirën e përgatitjeve të zhvilluara do të duhet të presim ende edhe disa ditë, por një test I rëndësishëm do të jetë Superkupa e Shqipërisë sot ne mbremje ne oren 20.00 ne stadiumin Selman Stermasi, një duel klasik tanimë, Skënderbeu-Kukësi. Për të patur interesin maksimal, mjafton rivaliteti, polemikat, miqësitë mes të dyja kampeje. Të gjitha janë thirrur në apel, për të prodhuar reklamën e parë për edicionin e ri sportive në vendin tonë.
ma.me
