Shkodranët kanë mposhtur në stadiumin “Loro Boriçi” ekipin e Bylisit me rezultatin e ngushtë 1-0.

Një gol i shënuar nga mbrojtësi Eni Imami i dhuroi fitoren vendasve, të cilët marrin tre pikë të arta nga ky takim.

Me këtë fitore Vllaznia ngjitet e vetme në krye të renditjes me 13 pikë të plota.

Ndërkohë, në sfidën tjetër Skënderbeu nuk ka mundur dot të fitojë në fushën e saj kundër Laçit.

Një barazim që djeg për ekipin e Julian Ahmatajt, që u trondit nga ekipi i Laçit në minutën e fundit të takimit duke barazuar rezultatin në 1-1

Golin e parë të takimit e shënoi Mara në minutën e 71-të të takimit për korçarët, por në minutat e fundit të ndeshjes kurbinasit barazojnë gjithçka me anë të Harmon.

Java e gjashtë e Kategorisë Superiore do të mbyllet me dy ndeshjet e tjera që do të luhen  në orën 16:45 që janë Teuta-Kastrioti dhe Kukësi-Apolonia. (TemA)