Super tajfuni ”Mangkhut” preku në orët e para të së shtunës veriun e Filipineve shoqëruar me erëra të forta që arrijnë deri në 255 kilometra në orë dhe shira të rrëmbyeshëm, njoftuan shërbimet meteorologjike.
”Mangkhut” i konsideruar si tajfuni më i fuqishëm që ka përfshirë arkipelagun që nga fillimi i vitit preku pjesën bregdetare rreth orës 01:40 (17H40 GMT të së premtes), referuar shërbimit meteorologjik ”PAGASA”.
Autoritetet rritën më parë nivelin e alarmit nga frika e shkatërrimeve në masë.
Mijëra persona janë evakuar nga zonat bregdetare, vazhdimisht të dëmtuara nga fatkeqësitë natyrore.
Banorët dhe bizneset në Luçon, ishuli kryesor i Filipineve i cili numëron miliona banorë kanë fortifikuar dritaret dhe çatitë për të parandaluar mundësinë që të shkuleshin nga erërat e forta.
/b.d
