Në orët e mbrëmjes të djeshme në Ksamil ka ndodhur një vjedhje në banesë.
Ka qenë vetë pronari i banesës që ka bërë telefonatën në polici rreth orës 22:35, nga ku është konstatuar se në banesën e Sh.M janë vjedhur një sasi vlerash monetare prej 3.5 milion lekë të reja, 3000 Euro si dhe disa bizhuteri të ndryshme.
Sipas policisë, në kohën kur ka ndodhur vjedhja, nuk kishte njeri në banesë.
Policia thotë se “grupi hetimor po vijon hetimet për zbardhjen, identifikimin dhe kapjen e autorëve të kësaj ngjarjeje”. /b.d
