Supa franceze
Përbërësit (për 8 persona):
2 kg qepë të mëdha të grira imët me thikë
100 gr gjalpë
½ lugë çaji sheqer gështenje
1 lugë gjelle miell
2 litra lëng mishi
150 ml verë e bardhë
2 lugë gjelle whisky
Kripë dhe piper sipas dëshirës
Për pjesën e sipërme është e nevojshme:
50 gr gjalpë i shkrirë
16 feta bukë të thekura
180 gram djathë graviera
1 thelpi hudhër
Përgatitja:
Në fillim shkrijmë 75 gr gjalpë në zjarr të ngadaltë. Shtojmë qepët më pas dhe i lëmë të piqen ngadalë rreth 15 deri 20 minuta duke i përzjerë herë pas here.
Më pas shtojmë sheqerin. E skuqim dhe për 40 – 45 minuta të tjera, por duke e përzjerë vazhdimisht.
Në një tenxhere tjetër hedhim lëngun e mishit dhe e lëmë të ziejë në zjarr të ngadaltë dhe njëkohësisht shkrijmë edhe pjesën tjetër të gjalpit ku i shtojjmë miellin dhe dy lugë lëng mishi.
Përziejmë masën e krijuar derisa të mpikset dhe ja shtojmë më pas lëngut të mishit.
Kur qepët të kenë mbaruar i shtojmë verën dhe e lëmë derisa të avullojë dhe pastaj shtojmë lëngun e mishit. Supën e lëmë të marrë valë për 30 minuta.
Shtojmë më pas whisky-n, pak kripë dhe piper. Nëse është e mundur supën e lëmë 24 orë pa e servirur.
Kur të duam ta servirim e hedhim atë në tava dheu për secilin person nga një. Fetat e bukës i përgatisim për t’ja vënë sipër. Grijmë hudhrën dhe e përzjejmë me gjaplin. Fusim fetat e prera hollë të bukës në furrë ndërkohë që i kemi spërkatur me djathë.
Më pas i vendosim secilës pjatë nga dy feta buke me djathin e shkrirë përsipër dhe shtojmë sërish djathë graviera përsipër sa të mbulohet sipërfaqja. Pjatat e dheut i fusin në furrë me 250 gradë dhe i lëmë për pak minuta.
Sapo të ftohet pak supa është gati për tu servirur.
