Tre persona nga Babrruja janë vënë në pranga ndërkohë që tre të tjerë janë shpallur në kërkim për shkak të dhunës ndaj KZAZ-së në shkollë Ibrahim Rugova në Kamëz.
Mësohet se në pranga kanë rënë Andon Prençi, Petrit Prençi vëllezër me njëri-tjerin dhe Dritan Dervishi. Sipas informacioneve të para Petrit Prençi dhe Dritan Dervishi janë punonjës në Bashkinë Kamëz.
Në kërkim për të njëjtën vepër penale janë shpallur në kërkim L.M., R.N. dhe B.P.
Ata tenntuan të futen me dhunë në ambjentet e KZAZ dhe më pas janë përplasur me forcat e policisë.
Akuza që rëndon mbi ta është ajo për vepra penale kundër procesit zgjedhor në vend.
Njoftimi i policisë:
Specialistët për Hetimin e Krimit në Komisariatin e Policisë Nr. 5, bazuar në prova, për vepra penale kundër procesit zgjedhor në vend, arrestuan në flagrancë 3 shtetasit: P.P., 45 vjeç, D.D., 47 vjeç dhe A.P., 35 vjeç, nga Babrruja.
Gjithashtu u shpallën në kërkim 3 shtetasit: L.M., R.N. dhe B.P. për të njëjtën vepër penale.
Vijon puna për kapjen dhe vënien para përgjegjësisë për shtetasit e shpallur në kërkim. Materialet iu dërguan Prokurorisë së Rrethit Gjyqësor Tiranë, për veprime të mëtejshme.
g.kosovari
