Kanadaja u trondit nga një sulm terrorist me furgon ditën e djeshme në Toronto, ku mbetën 10 persona të vdekur dhe shumë të tjerë u plagosën. Të shumtë ishin njerëzit e pranishëm në vendin e ngjarjes që përjetuan panik nga sulmi, ndërsa mes tyre ishte edhe një shqiptar.
Ai është Bes Kondi, emigrant shqiptar që kishte shkuar në Kanada së bashku me familjen shumë vite më parë. Kondi pas sulmit ka ndihmuar të plagosurit, ndërsa tregon për mediat edhe momentet e tmerrit.
Shqiptari tregon se pasi pa ngjarjen doli me shpejtësi nga zyra për të ndihmuar të plagosurit që ishin të shtrirë në rrugë, ndërsa njëri prej tyre në gjendje të rëndë nga sulmit, pyeste “Çfarë ka ndodhur”.
“Kisha parë përmes TV ngjarje të tilla në Francë apo Gjermani, por kurrë nuk e kisha menduar që një situatë të ngjashme do ta përjetoja këtu” tha për mediat vendasve në Toronto shqiptari Bes Kondi, që tashmë cilësohet si hero. Autori i sulmit në Kanada është Alek Minassian 25 vjeç i cili sulmoi me furgon njerëzit duke lënë shumë prej tyre të vdekur.
ma.me
