Përfunduan hetimet ndaj studentëve që gjuajtën para pak kohësh me vezë kryeministrin Edi Rama dhe tashmë ata do të dalin para gjyqit.
Aktivistët e Lëvizjes për Universitetin do të përballen me dy akuza referuar dosjes së prokurorisë, ‘Goditje për shkak të detyrës’ dhe ‘Kundërshtim të efektivëve të policisë’. Ngjarja në fjalë ndodhi më 2 nëntor të vitit të kaluar, teksa Rama dilte nga Universiteti i Shkencave Sociale në Tiranë, pas takimit që zhvilloi me përfaqësues të biznesit të vogël.
Vezët kanë rënë mbi makinën e Kryeministrit, ndërsa fillimisht studentët e kanë sulmuar kreun e Qeverisë me fyerje si ‘hajdut’, ‘sharlatan’, ‘i shitur’ dhe ‘kryeministër plehrë’, ndërsa kanë hedhur vezët./a.m.
