Përfaqësuesi i lartë i Bashkimit Europian, Josep Borrell, dënoi sulmin ndaj EULEX duke thënë se dhuna kriminale në veri të Kosovës nuk do të tolerohet.
“Duhet të rivendoset qetësia”, shkruan zyrtari i Unionit. “Çdo sulm i tillë është i papranueshëm dhe autorët duhet të mbajnë përgjegjësi”, thekson zëdhënësja e NATO-s, Oana Lungescu.
Ajo shton më tej se KFOR është vigjilent dhe plotësisht i gatshëm për të zbatuar mandatin e saj në Kosovë. Me nota të forta proteste reaguan dhe shumë ambasadorë të huaj në Prishtinë, përfshirë atë amerikan, gjerman dhe italian.
Lista Serbe kërkoi nga banorët në veri të Kosovës që të mos pengojnë punën e EULEX-it dhe KFOR-it, pasi prania e tyre atje është pranuar me marrëveshje ndërkombëtare.
Sakaq, pas shtyrjes nga presidentja Vjosa Osmani, të zgjedhjeve të parakohshme e të pjesshme lokale më 23 prill të vitit 2023, Komisioni Qendror i Zgjedhjeve në Kosovë njoftoi se pezulloi të gjitha aktivitetet për organizimin e tyre.
/a.r
