Laurca Croix është njëra prej 352 të lënduarve nga sulmet terroriste të 13 nëntorit në Paris. Ajo ishte qëlluar gjashtë herë nga kallashnikovët ku njëri prej tyre kishte përfunduar në mes të zemrës dhe mushkërive.
Iu ishte nënshtruar më se 10 operacioneve të vështirësisë së lartë, por në fund ia kishte hedhur vdekjes. Ajo është zgjuar nga koma dhe njëherë është duke komunikuar vetëm me anë të lëvizjes dhe kapsitjes së syve.
Familjarët e 31-vjeçares kanë treguar se bija e tyre ende ndien ankth dhe menjëherë pas zgjimit nga koma kishte kërkuar të dinte se çfarë ka ndodhur. Mjekët kanë thënë se ajo është jashtë rrezikut për jetë edhe pse i duhet goxha kohë për të rimarrë veten. Në sulmet e shkaktuara nga Shteti Islamik janë vrarë 8 terroristë kurse kanë mbetur të vdekur 130 persona, persona që u gjendën në vendin e gabuar në kohë të gabuar.
Shteti francez dhe ai belg janë në hetime të pa ndaluara për të zbuluar më shumë informacione rreth ngjarjes së 13 nëntorit./ORAinfo/
