Maggie De Block, Ministri i Shëndetësisë belg ka vizituar këtë të mërkurë në spital të plagosurit e sulmit terrorist të ditës së djeshme, teksa në dalje, ka dhënë një parashikim aspak pozitiv të situatës.
“Ka ende njerëz këtu në këtë spital, që janë në një gjëndje kritike për jetën, sepse kanë pësuar plagë të rënda dhe shumë prej tyre është dashur që të mbahen gjallë artificialisht, me shpresën se do të rikuperohen.
Kështuqë, presim që numri i vdekjeve mund të rritet në ditët në vijim”- u tha gazetarëve Ministri Shëndetësisë.
Pak më parë në aeroportin e Zaventem, aty ku dy vëllezërit kamikazë hodhën veten në erë, u gjend një tjetër trup i pajetë, duke e çuar bilancin e të vdekurve në 32 persona.
