Rusia ka kryer sulm të ri masiv me dron gjatë natës në kryeqytetin e Ukrainës, Kiev, gjë që shkaktoi të paktën një viktimë. Kryetari i bashkisë së Kievit, Vitaliy Klitschko tha se si pasojë e sulmeve, një mashkull vdiq pasi u zu nën rrënoja pranë një karburanti. Gjithashtu, një grua ka mbetur e plagosur.
Forca Ajrore e Ukrainës njoftoi se Rusia lëshoi 54 “dronë kamikazë” në objektivat ukrainas, 52 prej të cilëve u rrëzuan. Zytarët thanë se vetëm në Kiev, janë rrëzuar më shumë se 40 dronë.
Rusia ka rritur sulmet e saj në Kiev javët e fundit, duke kërkuar të mposhtë mbrojtjen e kryeqytetit.
Më herët, alarmet për sulm ajror u aktivizuan në 12 rajone të Ukrainës, nga Volyn në veri-perëndim deri në Dnipropetrovsk në jug-lindje.
Në një postim në mediat sociale, Klitschko u kërkoi banorëve të Kievit që të qëndrojnë në strehimore, duke paralajmëruar valët e sulmeve me dron dhe një natë të vështirë përpara. Ai tha se të paktën dy ndërtesa të larta në rrethe të ndryshme të kryeqytetit ishin në flakë pasi u goditën nga rënia e dronëve.
Disa zyrtarë akuzuan Rusinë për shënjestrimin e Kievit me qëllim, ndërsa banorët përgatiteshin të festonin Ditën e Kievit, përvjetorin e themelimit të qytetit 1500 vjet më parë.
/a.r
