Kryetari i ri i Bashkisë së Kamzës, Rakip Suli ka deklaruar se do të bëjë kallëzim penal ndaj paraardhësit të tij Xhelal Mziu.
Shkak për këtë, njofton Suli, janë bërë lejet e ndërtimit pa kriter, madje në zona që janë përcaktuar si park Kombëtar, por edhe në shtratin e lumit që ishte përcaktuar për t’u lidhur me liqenin e Tiranës.
“Është menduar që për Bashkinë e Kamzës, këtu të ishte një park kombëtar.
Dha leje ndërtimi në shtratin e lumit, që do të lidhej me liqenin e Tiranës. Ky vendim është kriminal, të këtyre personave që e kanë miratuan.
Unë do bëjë kallëzim në prokurori për të gjithë personat përgjegjës, ajo do të thotë fjalën e fundit. Kam 5 ditë që jam ulur në krye të bashkisë, brenda 24 orëve siguruam këto dokumente.
Dita- ditës do dëgjoni bëma të mëdha”, tha Suli.
Rakip Suli mori detyrën rreth një javë më parë. Tashmë kjo Bashki drejtohet pas 12 vitesh nga socialistët.
/a.r
