Një krim i rëndë me autor një të mitur refugjat ka shokuar Suedinë. Një vajzë e re, e cila punonte në një qendër azilantësh në Suedi, është therur për vdekje nga një azilant 15-vjeçar, që jetonte në këtë qendër.
Alexandra Mezher u sulmua të hënën në mëngjes në qendrën e fëmijëve emigrantë të pashoqëruar nga të tjerë, qendër që ndodhej në Molndal, në perëndim të Suedisë. Aty strehohen fëmijë nga 14 deri në 17 vjeç.
22-vjeçarja, të cilën familja e vlerëson si një “engjëll”, u dërgua në spital, por vdiq nga plagët.
Një 15-vjeçar refugjat është arrestuar me dyshimin e vrasjes.
Oficerët zbuluan një thikë në skenën e krimit dhe nisën hetimet për vrasje.
Mezher, familja e së cilës është me origjinë nga Libani, kishte disa muaj që punonte në këtë qendër.
Një kushërira e saj tha: “Është e tmerrshme. Ajo ishte një engjëll, një njeri që donte të bënte mirë. Dhe e vranë vetëm pse po bënte detyrën. Kam qarë shumë. Ishte kaq e mirë, kaq e ngrohtë dhe kaq e lumtur. Është faji i politikanëve suedezë që ajo humbi jetën”.
Policia suedeze ka vlerësuar veprimet e fëmijëve të tjerë në këtë qendër, të cilët vepruan si heronj, pasi vunë poshtë 15-vjeçarin që sulmoi zonjushën Mezher.
“Dy djem e vunë poshtë. Ishte ndërhyrje e e mirë. Ai kishte synim të lëndonte edhe persona të tjerë”.
“Është e lehtë të plagosesh kur ndërhyn në të tilla situata. U jemi mirënjohës këtyre fëmijëve”.
Krimi i rëndë vjen mes tensioneve në rritje në Suedi për çështjen e emigracionit.
Një numër vajzash thonë se janë sulmuar seksualisht nga azilantë meshkuj në një pishinë në Sokholm.
Policia thotë se stacionet e trenave janë mbushur me grupe emigrantësh që ngacmojnë femrat.
Prindërit suedezë janë të shqetësuar pasi fëmijët e tyre ndodhen në klasa të njëjta me fëmijët e emigrantëve dhe shprehen se të miturve u kanoset cdo ditë nga një rrezik i ri prej tyre.
