Luis Suarez beson se Barcelona mund ta përmbysë PSG-në. Pavarësisht humbjes prej 4:0 në ndeshjen e parë në Francë nga Paris Saint Germain, Barcelona ka shpresa se mund të arrijnë në çerekfinale të Ligës së Kampionëve.
Në Spanjë të gjithë mendojnë për përmbysjen e rezultatit ndaj PSG-së dhe sipas sulmuesit Luis Suarez, nëse një ekip mund të bëjë një gjë të tillë, atëherë është Barcelona.
“Do të bëjmë gjithçka në këtë mbrëmje dhe kemi mundësi të tregojmë një fytyrë tjetër të Barcelonës dhe t’ua dëshmojmë të gjithëve se çfarë jemi në gjendje të bëjmë.
Do të jetë e vështirë të rikthejmë situatën në favorin tonë, por nëse një ekip mund ta përmbysë rezultatin prej 4:0, atëherë ai ekip është Barcelona”, tha Suarez.
Barcelona dhe Paris Saint Germain do të përballen në Camp Nou të mërkurën nga ora 20:45, citohet “Express”. (b.an)
