Kryebashkiaku i Tiranës, Erion Veliaj, ka reaguar pas situatës së krijuar nga stuhia e fortë e shiut, që përfshiu kryeqytetin në orët e mesditës së sotme.
Veliaj thekson se stuhia e rrëmbyeshme e shiut la pasoja në disa akse rrugore, të cilat u mbushën me ujë.
Ai iu bën thirrje qytetarëve të bëjnë kujdes në trafik derisa të pastrohen të gjitha akset, ndërsa njofton se skuadrat janë në terren duke punuar.
“Stuhia e rrëmbyeshme la pasoja në disa akse rrugore. Skuadrat janë në terren për të bërë evadimet.
Ju lutem kujdes në trafik gjersa të jenë pastruar gjithë akset. Të gjitha pemët e dëmtuara do të rimbillen” – deklaroi Erion Veliaj.
Një stuhi shumë e fortë ere, shiu dhe breshëri përfshiu sot Tiranën, duke rrëzuar edhe disa pemë, e kufizuar qarkullimin e trafikut. Stuhia ka vijuar për më shumë se një orë, duke lënë pas pemë të rrëzuara.
ma.me
