Ky aziatik është vërtetë i habitshëm Kazuhiko Yamamoto, ky studiues japonez, edhe pse kanë kaluar 20 vjet nga kontakti i parë me rregullat e Kanunit të shqiptarëve, e pasi botoi edhe një libër për të, duket se nuk do të heq dorë nga zbulimi i burimeve parake të tij.
Në seminarin e 34-të Ndërkombëtar për Gjuhën, Letërsinë e Kulturën Shqiptare në Prishtinë, që nisi të hënën, ai do të paraqesë kumtesën që mban titullin “Një variant i studimit të koncepteve etike të Biblës hebraike me termat e strukturës etike të Kanunit”. Prof. Yamamoto jep mësim në Universitetin e Kiushus në Japoni. Ai ra kontakt me rregullat e Kanunit, ku ishte në Tokio në fillim të viteve ‘90 duke lexuar novelën “Prilli i thyer” të shkrimtarit të njohur shqiptar, Ismail Kadare. Mësojmë, shkruan Shqiptarja.com, se Kazuhiko Yamamoto ka nisur hulumtimet e tij mbi Kanunin shqiptar dhe kodet e tij, duke bërë krahasime e zbulesa të njëpasnjëshme.
