Studimi: Karrigia shkakton më shumë viktima se cigarja
Divanet dhe poltronët konsiderohen “duhani” i mijëvjeçarit të tretë: jeta pasive që karakterizon epokën tonë është në fakt një armik i heshtur që, vë në rrezik shëndetin tonë ditë pas dite.
Ajo që lançoi alarmin e fundit kundër përtacisë dhe pasivitetit ishte Nilofer Merchant, në një konferencë të dhënë për TED.
Statistikat për pasivitetin. Merchant prezantoi para publikut një shumë shifrash: Kush punon në zyrë rri ulur 9.3 orë në ditë, të cilave i shtohen dhe 7.7 orë gjumë. Pra 71% e ditës është jo aktive.
Ky lloj jetese rrit me 10% rrezikun e zhvillimit të kancerit të zorrës së trashë apo kancerin e gjirit, me 6% sëmundjet kardiovaskulare dhe me 7% rrezikun e diabetit të tipit 2.
Të dhënat janë konfirmuar nga një studim i kryer në vitin 2008 nga studiuesit e Spitalit të Bostonit. Nga 60 milionë vdekje që ndodhin në vit në botë, 5.3 janë shkaktuar nga mungesa e lëvizjes, dhe 5.1 milionë nga pirja e duhanit.
Sipas studimit 30% e popullsisë botërore bëjnë jetë sedentare, me më pak se 20 minuta aktivitet në ditë. Nëse bëhet klasifikimi botëror, vijnë Shtetet e Bashkuara me 43% të popullsisë, rusët me 30% dhe europianët me 25%.
“Të kalosh pjesën më të madhe të jetës ulur të duket kaq normale sa për ne nuk përbën problem. Në këtë mënyrë, të ndenjurit ulur është shndërruar në “duhanin” e brezit tonë,” shpjegon Merchant.
Apeli i Merchant për fat të mirë nuk duket se ka rënë në vesh të shurdhër: në SHBA, por edhe në Itali, shumë agjenci po ristukturojnë hapësira të dedikuara zyrave në mënyrë që të punohet dhe në këmbë.
Ec dhe puno. Orë të gjata, ulur rreth një tavoline. Këto mund të zëvendësohen me takime të shkurtra pa karrige ku njerëzit qëndrojnë në këmbë në një park që ndodhet afër zyrës. Për këtë ishin të bindur shumë njerëz, përfshi dhe Steve Jobs dhe tani vazhdojnë ta praktikojnë edhe themeluesi i Facebook, Mark Zuckenberg si dhe ai i Twitter-it Jack Dorsey. Nuk është nevoja të shkosh në palestër, mjaftojnë 150 minuta në javë, 20 minuta ecje dhe një xhiro me biçikletë.
