Sipas një studimi të fundit në Kinë, duket se koronavirusi është gjithashtu i transmetueshëm përmes marrëdhënieve intime. Pikërisht për këtë arsye, mjeku Tajlandez, Veerawat Manosutthi kërkon që njerëzit të mos kryejnë marrëdhënie seksuale të paktën një muaj pas shërimit të tyre nga Covid-19, në mënyrë që të mos infektojnë partnerin e tyre.
Sipas raporteve nga Corriere dello Sport, mjeku i departamentit të kontrollit të sëmundjeve, Veerawat Manosutthi foli për një studim kinez përmes të cilit gjurmët e Covid-19 u gjetën gjithashtu në spermën e 16% të 38 burrave të testuar pozitivë për koronavirus dhe mbi të cilin është kryer kjo lloj analize. Kjo, sipas asaj që deklaroi mjeku Tajlandez, pra, na bën të mendojmë se virusi është gjithashtu i transmetueshëm përmes marrëdhënieve intime.
“Ata që shërohen nga koronavirus do të duhet të shmangin seksin për të paktën 30 ditë,” tha mjeku. Për të nënvizuar më pas se si pas kësaj periudhe kohe është e mundur të “rifilloni aktivitetin duke përdorur prezervativ”.
Frika, në të vërtetë, është se virusi mund të vazhdojë të banojë edhe pas 30 ditësh. Por jo vetëm, siç thuhet nga Manosutthi për Khaosod: “Puthja gjithashtu duhet të shmanget pasi dihet që mund të përhapet edhe përmes pështymës”.
Për këtë temë foli edhe studiuesi Shixi Zhang, nga spitali komunal Shangqiu, i cili nga ana e tij theksoi se “mbijetesa e SARS-CoV-2 në farën e një pacienti në fazën e rikuperimit ruan mundësinë e infektimit të të tjerëve. “.
