E quajnë brezin koronavirus, është brezi i gjelbër që mund të shihet në hartë, ai në të cilin sëmundja po zhvillohet. Shkencëtarët nga Universiteti i Maryland të cilët i përkasin rrjetit Global Virus, një koalicion ndërkombëtar i virusologëve që po studiojnë rastin, kanë krijuar një lidhje korrekte midis përhapjes dhe karakteristikave klimatike të zonave në të cilat ndodhi.
Rezultati është se gjerësia, temperatura dhe lagështia saktësisht përcaktojnë një korridor të ngushtë midis 30 dhe 50 gradë gjerësi, ku temperaturat mesatare janë midis 5 dhe 11 gradë dhe lagështia midis 47 dhe 79 përqind, ku sëmundja ka shpërthyer më rëndë. Nuk është rastësi që Lombardia ka një mesatare prej 9 gradë dhe lagështia midis 68 dhe 75 përqind.
Në përgjithësi, Covid-19 nuk tregoi agresivitet të tepruar në qytete ku temperatura bie nën 0 gradë, që do të thotë se nuk mund të mbijetojë nga i ftohti. Si Italia veriore, edhe Korea e Jugut, Franca, Gjermania, Irani, zona e Paqësorit të Veriut të Shteteve të Bashkuara jane goditur rende. Të gjitha këto rajone kanë një veçori tjetër të përbashkët: shpërthimi i epidemisë përkon me temperatura relativisht të qëndrueshme për një periudhë më të gjatë se një muaj. Nuk është rastësi që zonat që mund të kishin pasur një emergjencë të madhe, për shkak të afërsisë së tyre me Kinën, nuk kanë parë një efekt të ngjashëm. Në Bangkok, Tajlandë, ka vetëm 80 raste, 47 në Vietnam, vetëm 7 në Kamboxhia dhe Myanmar asnjë.
Në vend të kësaj, në periudhën midis janarit dhe shkurtit në të cilën koronavirus kishte evolucionin maksimal, në Wuhan temperatura mesatare ishte 6.8, në Seul prej 7.9, në Teheran midis 7 dhe 15, në Piacenza të 8-10, në Milano 6-9. Këto janë kushtet që lehtësojnë transmetimin ne mase te virusit, gjë që e ka bërë virusin kaq pushtues. Shumë studiues dyshuan se Covid-19 sillej si të gjitha gripet e tjerë, që sulmojnë sistemin e frymëmarrjes, dhe për këtë arsye ishte i ndjeshëm ndaj klimës. Virusi ndjehet mire ne te ftohte, sepse eshte i mbuluar nga nje shtrese yndyrore qe shkaterrohet kur temperatura ngrihet. Eshtë pikërisht ajo që shkrihet kur hyn në trupin e njeriut, dhe e bën atë të bëhet agresiv, por nëse kjo ndodh jashtë per shkak te temperatures se larte, vete virusi vdes.
Eshtë gjithashtu e vërtetë se gjendja e pergjithshme e njerëzve eshte më e mire në verë: sistemi ynë imunitar është më i fortë. Një hipotezë është se melatonina ka një rol. Dhe vitamina D, e aktivizuar nga ekspozimi ndaj rrezeve ultravjollcë, gjithashtu zvogëlon incidencën e sëmundjeve që ndikojnë në sistemin e frymëmarrjes.
Studimi i Maryland nuk është i vetmi që është bërë me këtë temë. Vëmendja shkencore është aktualisht shumë e lartë, sepse të gjithë shpresojnë të jenë në gjendje të demonstrojnë se vera do të jetë një zgjidhje per epidemine aktuale. Por mbase kjo nuk është e mjaftueshme: zonat e nxehta, të cilat i përkasin hemisferës tjetër, jane edhe ato subjekt i pandemisë. Megjithatë, studiuesit nga Universiteti i Guangzhou, Kinë kanë konfirmuar se transmetimi udhëton më mirë rreth 8.72 gradë. Edhe studiuesit nga Universiteti Tsinghua në Pekin, të cilët përdorën të dhëna nga Qendra Kineze për Kontrollin dhe Parandalimin e Sëmundjeve, argumentuan se aty ku temperaturat dhe lagështia ishin më të ulëta kishte më shumë raste, sesa ato ku ishte më ngrohtë dhe lagështia ishte më e lartë.
Kështu që ardhja e verës mund të zvogëlojë ndjeshëm transmetimin. Hulumtimet nga Spitali Greifswald dhe Universiteti Ruhr në Bochum, Gjermani, analizuan kohën e qëndrimit të konoravirusëve të ngjashëm në sipërfaqe dhe zbuluan se ai qëndron më gjatë në kushte të ftohta dhe të lagështa. Në 4 gradë mund të mbetet i gjallë për 28 ditë. Në 30-40 grade ai zhduket brenda një kohe të shkurtër.
Ekspertët besojnë megjithatë që fjala “fund” nuk duhet çuar neper mend: koronavirus mund të zhduket gjatë verës, por përsëri të kthehet në vjeshtë.
