“Dajaku ka dalë nga xheneti”, thotë një shprehje e adoptuar “më së miri” nga shoqëria shqiptare, ku shpullat për fëmijët konsiderohen si një masë e mirë edukative.
Por, rrahja e tyre është një ide e keqe, pasi dëmton shëndetin mendor të fëmijëve dhe nuk kryen punë.
Fëmijët e abuzuar priren t’i kopjojnë sjelljet e prindërve, të sillen keq dhe të mos binden.
Veç kësaj, fëmijët e abuzuar besohet se kanë sjellje anti-shoqërore, nivel të lartë të agresivitetit dhe përjetojnë probleme shëndetësore mendore.
Studiuesit e Universitetit të Austini në Teksas kanë analizuar për 50 vjet raste të rrahjes së fëmijëve, me mbi 160 mijë prej tyre.
Andrew Grogan-Taylor nga Universiteti i Michigan ka thënë: “Rrahja e bën të kundërtën e asaj çfarë duan të arrijnë prindërit”.
