Klajdi Bello, një ndër të rinjtë aktivë gjatë protestës së studentëve, ka reaguar ashpër pas thirrjes së ish kryeministrit Sali Berisha për përplasje civile. Bello i kujton Berishës të shkuarën ku ndër të tjera thotë:
“Vëllezër e motra, mos bini pre e provokimeve, të majtë e të djathtë, hiqini perdet e partive për një moment dhe analizojeni situatën me qetësi por si atdhetarë në fillim dhe jo militant.
Ata që thonë në fillim partia pastaj Shqipëria, janë ata të cilët për hir të pushetit vrasin e presin.
Luftën civile e kemi përjetuar njëherë, ku me qindra nëna janë veshur me të zeza”, shkruan Bello.
Statusi i plotë
Ish Kryeministri Sali Berisha deklaroi dje në një intervistë televizive se: “Po shkojmë drejtë një përplasjeje civile”!
Kjo nuk është deklarata e parë e cila bëhet nga ish kryeministri, ku në nëntor të vitit të kaluar bëri thirrje nga parlamenti që të rrëmbenim armët.
Unë jam kundër qeverisë aktuale por gjithëashtu jam kundër thirrjeve për dhunë dhe sidomos togfjalëshit: “Përplasje civile”.
Kundër kujt do luftojmë? Kundër njëri tjetrit, veri-jug?
Doni të krijoni urrejtje krahinore, ose më mirë doni ta ushqeni këtë ndjenjë?
Vëllezër e motra, mos bini pre e provokimeve, të majtë e të djathtë, hiqini perdet e partive për një moment dhe analizojeni situatën me qetësi por si atdhetarë në fillim dhe jo militant.
Ata që thonë në fillim partia pastaj Shqipëria, janë ata të cilët për hir të pushetit vrasin e presin.
Luftën civile e kemi përjetuar njëherë, ku me qindra nëna janë veshur me të zeza.
Thirrje për destabilitet nuk kanë vend më!
Uluni dhe gjeni gjuhën e përbashkët dhe jo të digjni ende Shqipërinë për pushtet!
