Studentët kanë vijuar ditën e katërt të protestës duke refuzuar kështu ftesën e kryeministri Rama për t’u ulur në një tryezë dialogu.
Ditën e sotme, masa e protestuesve ka shmangur kalimin te Kryeministria për të mos u përballur me partitë e djathta politike.
Të grumbulluar para Ministrisë së Arsimit, studentët i kanë bërë apel politikës t’i qëndrojë larg kauzës së tyre teksa kanë kërcënuar edhe me grevë urie nëse tetë kërkesat nuk plotesohen.
Kerkesat drejtuar Ministrisë së Arsimit dhe Sportit
- Përgjysmim i tarifës së studimi
- Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
- Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.
- Mbështetje e studentëve për kërkime shkencore.
- Mbështetje e studentëve të doktoraturës me fonde për kërkimin shkencor.
- Përmirësim i kushteve të konvikteve të Universiteteve.
- Dyfishim i buxhetit për arsimin e lartë.
- Pajisja e të gjithë studentëve me kartën e Studentit brenda vitit akademik 2018-2019.
Presim përgjigje zyrtare me shkrim deri në orën 14:00.
Kërkesat janë artikuluar nga Këshilla studentor.
