Studentët e Universitetit të Tiranës kanë protestuar edhe ditën e sotme përpara Ministrisë së Arsimit kundër projektligjit të arsimit të lartë.
Gjatë protestës studentët kanë mbyllur derën kryesore të Ministrisë së Arsimit, ndërsa kanë vendosur edhe një tabelë me mbishkrimin “Ministrja në kafe me disa biznesmenë”.
Po ashtu studentët për të shprehur kundërshtinë e tyre ata i kanë dërguar edhe një letër publike Universitetit të Tiranës. Sipas tyre, ministrja Nikolla gënjen për tarifat.
“Ministrja gënjen, tarifat në vend që të uleshin janë rritur. Mazniku dhe Nikolla të shpallen Non Grata”, thonë ata.
Pritet që protesta e tyre të zhvendoset përpara kryeministritsë ditën e mërkurë.
Redaksia Online
(JavaNews.al)
