Kryeministri Edi Rama ka reaguar sërish në lidhje me kërkesat e studentëve. Rama tregon se ka biseduar deri në orët e para të mëngjesit me shumë studentë të cilët i kanë dërguar mesazhe vulgare por edhe prekëse.
„1/ Deri në 3 të mëngjesit mbrëmë me qindra studentë që më mësynë ëhatsapin. Mesazhe lloj-lloj, nga më vulgaret tek më prekëset dhe edhe jo pak për të qeshur me zë. Shumë thoshin s’kanë dalë VKM në Fletore Zyrtare. Por mjafton një klik http://qbz.gov.al dy sy për të parë.“-shkruan Rama në rrjetet sociale.
Më tej, Rama thotë se kërkesat do të plotësohen dhe se brenda muajit Janar do të publikohet Pakti për Universitetin, që shkon përtej kërkesave të studentëve.
2/ E dyta që përsërisnin shumë prej tyre, mesa duket me porosi nga nondaja, ishte fjalia kur do plotesosh kërkesat! Kërkesat do plotësohen sipas afateve të publikuara dhe sipas zotimit brenda janarit do publikohet edhe Pakti për Universitetin, që shkon shumë përtej kërkesave.
Reagimi i Kryeministrit vjen disa javë pas ndërprerjes së protestës së studentëve dhe rinisjes së mësimit thuajse në të gjitha fakultetet e vendit. Protesta e organizuar dhe e thirrur me mbështetje politike PD+LSI, u organizua dy ditë më parë dhe më pas “kapitulloi”.
Në mbledhjen e qeverisë në prag të fundvitit ekzekutivi miratoi 12 vendime që nga heqja e tarifës së studimeve për studentët në nevojë dhe ekselentët, përgjysmimin për të gjithë studentët e tjerë, bursë shtetërore deri në 100 mijë lekë të vjetra çdo muaj, investimin e 27 mln euro në konvikte si dhe nisjen e punës për kartën e studentit sipas një modeli konkret nga një vend i Bashkimit Europian./a.meta
