Studentët e Fakultetit Juridik të Universitetit të Tiranës janë mbledhur para gjimnazit “Petro Nini Luarasi”, ku brenda pak minutash do të nisin programin mësimor që duhej ta zhvillonin në universitet, por që është bllokuar prej studentëve bojkotues.
Në dispozicion të tyre janë vendosur 38 klasa të këtij gjimnazi, e ata do të zhvillojnë mësim nga ora 14 deri në 20 të mbrëmjes.
Vendimi u mor pasditen e së martës, pas garancisë që dha dekani i Fakultetit të Drejtësisë, Artan Hoxha, se ishte e sigurtë që ditën e mërkurë do të niste procesi mësimor.
“Ajo që u kam thënë edhe studentëve është që ne presim nga Ministria mundësitë e vendeve për të bërë mësim duke filluar nga nesër”, tha Artan Hoxha një ditë më parë.
Ndërkohë një grup studentësh që vijojnë bojkotin e mësimit deri në plotësimin e kërkesave të tyre dhe anulimin e ligjit kanë shkuar në gjimnaz dhe kanë mbyllur me zinxhir derën e këtij gjimnazi.
Dera u hap pass disa minutash.
a.cupaj
