Ka vijuar edhe këtë të hënë protesta e studentëve përpara Kryeministrisë, ku insistojnë në plotësimin e tetë kërkesave të tyre, pa dialog me qeverinë.
Por pas qëndrimit për disa orë para kryeministrisë ata janë ndarë në tre grupe, duke bllokuar 3 rrugë në Tiranë
Përshkallëzimi i protestës vjen pas refuzimit për t’u ulur në dialog me qeverinë.
Protestuesit kanë bllokuar rrugen tek zona e “Dollarit”, tek Zogun e Zi dhe pjesa tjeter kane qendruar para kryeministrise, duke mbajtur të bllokuar bulevardin
Kryeministri Edi Rama ka reaguar pas pershkallëzimit të protestës së studentëve
Kryeministri pyet bllokuesit e rrugës së ‘çfarë borxhi ju kanë juve qytetarët e studentët e tjerë?’
Kryeministri shkruan se bllokimi i rrugëve vjen me nxitje të Kryemadhit dhe Bashës.
“A mund t’ju pyes juve që ju mësojnë Doktorresha dhe Artisti të bllokoni rrugët e qytetit e dyert e fakulteteve, ndërkohë që mbani bllokuar rrugën e Dialogut, duke iu hedhur në fyt me sharje e akuza atyre që duan Dialog: Po çfarë borxhi ju kanë juve qytetarët e studentët e tjerë?“, shkruan Rama
Kryeministri Edi Rama u ka bërë thirrje disa herë për dialog studentëve, duke sqaruar se 8 kerkesat e tyre janë të realizueshme, por duhet dialog për t’i finalizuar.
Protesta e sotme është mbështetur edhe nga qytetarë dhe militantë te PD-LSI.
Ata kanë hedhur edhe tymuese në mes të turmës dhe para Kryeministrisë, por studentët i kanë bërë thirrje që të largohen pasi nuk janë për dhunë, por për realizimin e kërkesave të tyre.
Javanews/a.çupaj
