Aleksandër Spiriç, kryetar i Organit të Përkohshëm i Mitrovicës së veriut, një strukturë paralele komunale e instaluar nga Qeveria e Serbisë, njëkohësisht nënkryetar i Komunës Veriore, që ka dalë nga zgjedhjet e nëntorit të vitit 2013, të shpallura nga presidentja e vendit, Atifete Jahjaga, i ka siguruar të gjithë të punësuarit në Organin e Përkohshëm, se asnjë prej tyre nuk do të mbetet pa punë.
Spiriç ka organizuar një konferencë me gazetarë, në të cilën ka folur për të arritura e komunës që ai drejton. Ai ka thënë se buxheti i Qeverisë së Serbisë për komunën paralele në veri të Mitrovicës është 1.2 miliardë dinarë (12 milionë euro).
