Përgatitja e strategjisë së re të arsimit si dhe projektligji për rininë ishin në fokus të një takimi të zhvilluar sot mes ambasadorit të Delegacionit të Bashkimit Europian në Tiranë, Luigi Soreca dhe ministres së Arsimit, Sportit dhe Rinisë, Besa Shahini.
Ambasadori e konsideroi frymëzues takimin me ministren Shahini, ndërsa informoi se temë e tij ishin ndër të tjera edhe përgatitja e strategjisë së re të arsimit.
Po ashtu, sipas tij, “në takim u diskutua edhe mbi projektligjin për rininë dhe rrugët e mbështetjes për fuqizimin e rinisë”.
“Bashkë ndamë të dhënat që disa organizata rinore shqiptare i kanë paraqitur Delegacionit të Bashkimit Europian në Shqipëri gjatë takimeve të fundit”, tha ambasadori Soreca.
g.kosovari
