Gjigantët e Serie A Juventus kanë gjetur mënyrën për të transferuar Mauro Icardin në Allianz Stadium.
Bardhezinjtë kanë kohë që interesohen për argjentinasin, madje verën e kaluar donin ta shkëmbenin me Gonzalo Higuain, i cili më vonë iu bashkua Milanit në formë huazimi.
Interesi i Juves mbetet i madh, por akoma nuk e ka gjetur mënyrën për ta bërë të tijin.
Sipas Corriere della Sera, Juve tani ka vendosur se do t’i thotë Icardit të qëndrojë tek Inter për një tjetër sezon.
Bardhezinjtë i kanë premtuar argjentinasit se do ta blejnë sezonin e ardhshëm. Kjo do t’i mundësojë kampionëve të Italisë ta blejnë me një shifër më të ulët se këtë verë.
/a.r
