Supermashtruesja Olesia Duka, e cila njihet si stomatologe në qytetin e Durrësit, dyshohet se ka përvetësuar nga biznesmenë të ndryshëm rreth 2 milionë euro. Personit që i ka shkaktuar më shumë dëme është biznesmeni Idlir Hoxha, pronar i një pike këmbimi valutor.
Ky i fundit ishte edhe i pari që denoncoi stomatologen mashtruese, veprim i cili pasoi edhe me një sërë denoncimesh nga persona të tjerë.
Por, duket se grupi hetimor do të hasë vështirësi për vërtetimin e pretendimeve të biznesmenëve, të paktën sa i takon shumave, pasi raportohet se ata ia kanë dhënë paratë 38-vjeçares dorazi, duke shmangur veprimet bankare. Pronari i pikës Exhange që i ka dhënë 900 mijë euro, nuk ka asnjë faturë që të vërtetojë dhënien e parave borxh sipas informacioneve.
Po ashtu, edhe 4 biznesmenët të tjerë që i kanë dhëën shuma mbi 30 mijë euro nuk kanë asnjë faturë. Mbetet e paqartë se si këta persona kanë lëshuar shuma kaq të mëdha parash pa marrë faturë. Në këtë situatë, vërtetimi i akuzave të biznesmenëve ndaj stomatologes mund të hasë në vështirësi. Edhe nëse vërtetohet se Olesia Duka u ka marrë paratë, mbetet e vështirë të përcaktohet me prova shuma konkrete që ajo ka përvetësuar.
Mungesa e faturave mund të çojë në ‘shfryrjen’ e kësaj super-dosjeje mashtrimi që rrallë e kishim hasur deri sot, me protagoniste një mjeke stomatologe./a.m.
