Sekretari i Përgjithshëm i NATO-s, Jens Stoltenberg, ka dalë në një konferencë të posaçme pas ngjarjeve të Brukselit. Pasi ka ngushëlluar familjarët e viktimave, ai ka deklaruar se duhet të luftohet më shumë kundër terrorizmit.
“Jam thellësisht i trishtuar nga sulmet në Bruksel që ndodhën këtë mëngjes. Numri i të vdekurve është numër tragjik. Ngushëlloj të gjithë ata që humbën familjarët dhe të dashurit e tyre, jam me popullin e Belgjikës. Duhet të rrimë të bashkuar në këto ditë të errëta për Europën. Ky është një sulm frikacak. Nuk do ta lejojmë terrorizmit ta humbë demokracinë dhe t’i mohojë liritë tona. NATO vendos të rrisë nivelin e alarmit në seli. Ne duhet të jemi vigjilent dhe të vazhdojmë të monitorojmë situatën nga afër”, ka thënë Sekretari i Përgjithshëm i NATO-s.
