Kreu i NATO-s, Jens Stoltenberg theksoi sot se solidariteti është një vlerë themelore, ndërsa Donald Trump konfirmoi sërish se nëse do të zgjidhej president i SHBA-së, një ndërhyrje ushtarake amerikane për të ndihmuar një shtet anëtar në rrezik nuk është kusht në vetvete dhe se buxheti i Aleancës duhet të menaxhohet në mënyrë më të drejtë.
“Nuk dëshiroj të përfshihem në fushatën elektorale amerikane, por ajo që dua të shpreh është të nxjerr në pah atë që vërtetë ka rëndësi për NATO-n”, deklaroi Stoltenberg, cituar në një deklaratë të transmetuar në media.
“Solidariteti mes aleatëve është një vlerë e rëndësishme për NATO-n. Kjo vlerë luan një rol kyç për sigurinë e Evropës, ashtu edhe atë të SHBA-së”, vlerësoi Sekretari i Përgjithshëm i Aleancës së Atlantikut.
“Të mbrojmë njëri-tjetrin”, theksoi ai.
