Sekretari i përgjithshëm i NATO-s, Jens Stoltenberg deklaroi sot se Bashkimi Europian nuk mundet ta mbrojë Europën pa NATO-n.
“Përpjekjet e BE-së për përforcim të mbrojtjes gjithmonë janë të mirëpritura… Por nuk mund të jenë alternativë e NATO-s, t’i bëjnë konkurrencë ose t’i dyfishojnë aktivitetet e NATO-s”, theksoi Stoltenberg.
“Franca ka armë bërthamore, por garancia e vetme e sigurisë së aleatëve europianë janë mjetet që i zbaton NATO dhe në të cilat ndërlidhen mundësitë e SHBA-së dhe Europës”, shtoi Stoltenberg në intervistën për televizionin privat polak Polsat.
Stoltenberg theksoi se 80 % të shpenzimeve të përgjithshme ushtarake i paguajnë vendet anëtare të Aleancës që nuk janë në Europë.
“Kjo do të thotë se BE-ja nuk është në gjendje ta mbrojë Europën dhe se NATO është garanci për sigurinë e aleatëve europianë”, theksoi sekretari i përgjithshëm i Aleancës Atlantike të Veriut.
Ai potencoi se Aleanca nuk dëshiron Luftë të re të Ftohtë nuk duam garë të re në armatim, e cila është e rrezikshme dhe e shtrenjtë.
/a.r
