Madonna ka ndërprerë koncertin e saj në Stockholm të Suedisë mbrëmjen e së dielës me një fjalim prekës kushtuar viktimave të sulmit terrorist në Paris.
“Ka qënë shumë e vështirë për mua të dal në skenë pasi ndjehem keq që unë jam këtu duke kënduar dhe kërcyer ndërkohë që të tjerë po qajnë për të humburit e tyre.”- është shprehur ajo.
Këngëtarja vazhdoi duke thënë se kishte menduar ta anullonte koncertin e saj por më pas shtoi se askush nuk mund t’i ndalonte ato për të shijuar lirinë e tyre.
Madonna u kërkoi fansave të mbanin një minutë heshtje në nder të viktimave në Francë.
Në turmën e 40 mijë njerëzve në koncert nuk u dëgjua asnjë zë i vetëm.
Më pas 57 vjeçarja ka shpërthyer në lotë përpara se ta ftonte audiencën të këndonte së bashku me të këngën “Like a Prayer” kushtuar jetëve të humbura në sulmin terrorist.
