Ish presidenti i Kroacisë, Stipe Mesic, e ka refuzuar çmimin Qytetar Nderi i Sarajevës.
Mesic ka konfirmuar se përmes një letre dërguar autoriteteve të kryeqytetit boshnjak, i ka njoftuar autoritetet e qytetit se nuk dëshiron të pranojë titullin e nderit për shkak të rastit të shkrimtarit të famshëm turk Orhan Pamuk, transmeton GazetaMetro.net.
Para dy javësh, komisioni përkatës për emërimin e kandidatit për këtë titull nderi e zgjodhi Pamuk duke votuar me 7 vota për dhe asnjë kundër.
Por, më vonë 4 prej anëtarëve të komisionit ndryshuan mendje, dhe tërë kjo besohet se ndodhi për shkak të presionit autoriteteve shtetërore të Turqisë, ndërsa në vend të shkrimtarit u zgjodh Mesic.
Mirëpo, autoritetet e qytetit nuk e lajmëruan Mesic’in lidhur me kandidimin, dhe këtë e kuptoi vetëm përmes mediave.Andaj vendosi të atyre më një letër ku shkruan se për shkak të rastit me Orhan Pamuk, nuk dëshiron të jetë qytetar nderi i Sarajevës. (b.an)
